Поврзете се со нас

Англија

Јунајтед подготвен да се ослободи од Гарначо, клубот одредил цена за неговите услуги

Објавено

на

foto: x.com/ManUtd

Талентираниот аргентински репрезентативец, Алехандро Гарначо може да го напушти премиерлигашот Манчестер Јунајтед, клуб од кој е дел од 2020 година кога пристигна од Атлетико Мадрид.

Гарначо има 20 години и допрва се очекува најдоброто од него, меѓутоа тоа можеби нема да го видиме во Јунајтед ако се точни информациите на дел од италијанските медиуми.

Како што е познато Наполи е во потрага по наследник на Хвича Кварацхелија кој се очекува да биде продаден во текот на овој зимскио преоден рок, а калчолигашот во Гарначо гледа идеална замена на таа позиција. Наводно тренерот Антонио Конте ја одобрил оваа операција и наполитанците веќе оствариле контакти со „црвените ѓаволи“.

„Кориере Дело Спорт“ пренесува дека Јунајтед е подготвен за разделба со Аргентинецот и тоа за сума од 70 милиони евра. Клубот од „Олд Трафорд“ мора да ги почитува правилата за профит и одржливост на Премиер лигата и во тоа би помогнала продолжбата на крилниот напаѓач кој има договор до 30 јуни 2028 година.

Во тековнава сезона има одиграно 30 мечеви со 8 постигнати голови и 5 асистенции.

Advertisement
Advertisement

Италија

Advertisement

Популарни