Јунајтед мораше да прави пресврт за победа, Хумелс обезбеди бод за Рома во Лондон (Видео)

Манчестер Јунајтед поведе уште во првата минута, па мораше да прави пресврт против Бодо за победа (3:2) на дебито на новиот менаџер Рубен Аморим на „Олд Трафорд“.

Гарначо уште во првата минута реализираше по грешката на одбраната на гостите и одземената топка од Хојлунд, а данскиот репрезентативец е тој кој што подоцна успеа да ги донесе бодовите за премиерлигашот во Лига Европа.

Сепак, претходно имаше и мал шок на „Олд Трафорд“, бидејќи Бодо успеа да направи целосен пресврт со головите на Евјен и Цинкернагел.

Пред крајот на полувремето, Хојлунд израмни, а истиот фудбалер во 50. минута ги постави конечните 3:2, што значи и втора победа за Јунајтед во главната фаза на Лига Европа.

Дербито меѓу Тотенхем и Рома заврши со резултат 2:2, а неочекуван херој за гостите беше Матс Хумелс. Сон и Џонсон стрелаа за Тотенхем, Ндика уште во првиот дел успеа да израмни, но на второто израмнување се чекаше до судиското надополнување. Тогаш искусниот дефанзивец успеа да погоди за конечни 2:2 и прв погодок на Германецот во редовите на римскиот клуб.

🚨🚨| GOAL: MATS HUMMELS HAS EQUALIZED IN THE 91ST MINUTE!!

Tottenham 2-2 Roma

pic.twitter.com/BTVhgXap4j

— CentreGoals. (@centregoals) November 28, 2024