Јунајтед мисли на индината, потпиша договор со синот на нивниот поранешен член

Од таборот на Манчестер Јунајтед во текот на денешниот ден потврдија дека му понудиле прв професионален договор на талентираниот, 17 годишен фудбалер, Чарли Севиџ.

Чарли е син на познатиот фудбалер кој долги години играше во Премиер лигата, Роби Севиџ кој сега е познат по тоа што често се јавува како стручен коментатор за најдобрите англиски телевизии.

17 годишниот Чарли го потпиша својот прв професионален договор по кој истакна дека се надева оти ќе има подобра кариера од неговиот татко кој иако беше член на Манчестер Јунајтед не успеа да собере ниту еден сениорски настап за клубот.

Роби Севиџ иако не заигра за Јунајтед, на јавноста и е познат како долгогодишен фудбалер на Лестер Сити и Блекбурн каде остави значителна трага во својата кариера.

Чарли Севиџ е дел од младинските категории на Манчестер Јунајтед од 2019 година, а неговата позиција е централен играч за врска.