Јунајтед го постигна најбрзиот гол во оваа сезона, Аморим стартуваше без победа (ВИДЕО)

Манчестер Јунајтед не успеа да дојде до посакуваниот резултат во пресметката со повратникот во Премиер лигата составот на Ипсвич со кого ремизираше 1-1 во дебито на тренерот Рубен Аморим.

„Црвените ѓаволи“ важеа за фаворити во овој меч кој одлично го започнаа и по 81 секунда дојдоа до водство преку Рашфорд. Ова за клубот од Манчестер беше најбрз постигнат гол во актуелнава кампања, но по истиот не покажа доволно, му ја препушти иницијативата на противникот кој имаше неколку добри шанса за да во 43 минута Хачинсон го израмни резултатот.

Со овие 1-1 се замина на одмор по кој немаше премногу возбудувања во вториот дел и може да се заклучи дека поделбата на бодовите е повеќе од реална.

Јунајтед со 16 бода е на 12 позиција, Ипсвич со 9 го држи 18 место.