Јунајтед донесе играч за врска од Мали

Манчестер Јунајтед го обезбеди доаѓањето на младиот играч Секу Коне од Мали.

Станува збор за талентиран 18-годишен играч од средниот ред кој е член на тимот на Гударс. Коне игра како дефанзивен играч за врска и за неговите услуги беа заинтересирани неколку големи клубови.

Јунајтед ја доби трката и се очекува Коне следната недела да ги помине медицинските прегледи во Манчестер.

Како што објави новинарот Фабрицио Романо, Јунајтед за неговото доаѓање ќе плати отштета од 1,2 милиони евра, со бонуси во зависност од учинокот на играчот.

Манчестер Јунајтед со ова ја продолжува политиката на доведување играчи за во иднина.