Јовиќ: Пелистер го почитувам, немаме што да загубиме во Битола

Денеска се играат нови натпревари во ракометната Суперлига, а еден од нив е оној во Битола меѓу Еурофарм Пелистер и Тинекс Пролет.

Шампионот пред неколку дена го претрпе првиот сезонски пораз и тоа во дербито со Вардар, па дефинитивно ќе биде дополнително мотивиран со силно издание да дојде до вредна, убедлива победа.

Од друга страна пак гостите од Скопје нема што да загубат и тоа го потенцира тренерот Александар Јовиќ.

-Секогаш е добро чувството кога ќе се вратам назад во клуб со кој имам остварено таков голем успех. Пелистер е клуб што го почитувам и за кој ме врзуваат бројни позитивни спомени. Денеска доаѓам како ривал, на сите ни е јасно дека домаќинот е актуелен шампион и воедно и фаворит на овој дуел. Секако дека нема да се предадеме без борба, немаме што да загубиме, наша желба е да одиграме најдобро што знаеме, па ќе видиме каков резултат ќе донесе тоа на крајот, -порача Јовиќ за официјалниот веб сајт на клубот.