Поврзете се со нас

СЕХА лига

Јовиќ: Одлична победа, ова е добар старт на моето поглавје

Објавено

на

foto: https://www.facebook.com/hceurofarmpelister

Составот на Еурофарм Работник славеше над Нексе со 27-23 (14-11) и на тој начин го освои второто место во групата А во СЕХА лигата.

Македонскиот вицешампион се престави во одлично издание под водство на новиот тренер Александар Јовиќ кој беше задоволен, среќен што екипата одговори и го испочитува она што претходно било договорено на тренинзите, состаноците.

-Голема победа и одличен старт на моето ново поглавје во кариерата. Одигравме добар натпревар против одличен предводен од еден од најдобрите тренери во лигата, Бранко Тамше. Не одигравме добра одбрана во првиот дел, меѓутоа со одлична енергија и емоција направивме разлика.

-Нашите голмани фатија многу топки, четири пенали и тоа ни даде одлична поддршка да победиме и да го обезбедиме второто место во групата А. Не треба да креваме голема еуфорија, ваквите победи треба да ни станат рутина, -порача Јовиќ.

-Честитки до Нексе за фер натпреварот. Бевме мотивирани, одигравме добар натпревар против квалитетен ривал. Навивачите не поддржаа и мотивираа, не е лесно да се слави против тим како Нексе. Овој триумф треба да ни даде дополнителен стимул за следните предизвици во домашното првенство и СЕХА лигата, -истакна пак голманот Марко Кизиќ.

Реклама
Реклама
Реклама

Популарни