Јоро објасни што навивачите на Јунајтед можат да очекуваат од него: Ова е најголемиот клуб на светот…

Талентираниот Лени Јоро од ова лето е дел од Манчестер Јунајтед, клуб кој успеа да го обезбедни неговиот потпис пред останатите големи европски екипи.

Јоро е играч кој треба да донесе свежина, квалитет во дефанзивата, но ќе мора да почека за да ги покаже своите квалитети со оглед на тоа што се уште е во фаза на закрепнување по повредата која ја заработи.

Тој допрва треба официјално да дебитира, ама е уверен дека кога ќе дојде време ќе го прикаже најдоброто од себе.

-Се трудам да бидам интелигентен на теренот. Да играм со глава, да ја разберам играта, противниците и да бидам мирен. Да бидам мирен со топката, -истакна дефанзивецот кој обелодени зошто го избрал Јунајтед.

-За мене, Манчестер Јунајтед е најголемиот во светот. Да се ​​игра за Манчестер Јунајтед е… дури и кога бев млад, играчите што беа тука, историјата, навивачите. Сè е големо овде, -порача Французинот.