Јорк директен: Тен Хаг ризикува да изгледа како будала ако…

Ерик Тен Хаг имаше добра прва сезона на клупата на Манчестер Јунајтед и токму тоа даде оптимизам, верба дека оваа кампања ќе биде уште поквалитетна и клубот од „Олд Трафорд“ конечно ќе фати ритам и ќе биде конкурентен за пехари во сите натпреварувања.

Меѓутоа првите месеци од натпреварувачката 2023/2024 не се добри за премиерлигашот, резултатите не се такви какви што се очекуваа или поточно постојат проблеми кои се очигледни и за кои Холанѓанецот ќе мора да ги реши за да ја врати екипата во посакуваниот правец.

Големи критики има за настапите на летното засилување Андре Онана кое требаше да донесе стабилност меѓу стативите, да донесе нова крв, да помогне во реализација на филозофијата на Тен Хаг кој се откажа од Давид Де Хеа само за да му даде шанса на Камерунецот кого го знаеше од времето минато во Ајакс.

Засега Онана ја има максималната поддршка од стратегот, но според Двајт Јорк тоа нема да биде или не смее во иднина ако голманот продолжи да има вакви настапи затоа што со тоа тренерот ризикува да изгледа како будала.

-Тие секогаш велат дека тревата никогаш не е позелена од другата страна. Им реков на сите дека треба да внимаваат што посакуваат. Менаџерите се тука за да донесат тешки одлуки и тие имаат свои идеи за тоа кого ќе изберат во нивниот тим. Тен Хаг донесе одлука да се ослободи од Де Хеа и да го доведе Онана.

-Ако го анализирате Онана, а сигурен сум дека Тен Хег тоа го направил, ќе видите дека постои огромен ризик со начинот на кој тој игра – особено во англиската игра. Сосема е поинаку, а вие мислевте дека Онана досега ќе го знаеше тоа. Има многу нафрлувања и многу додавања во и околу шеснаесетникот и ви треба голман кој може да се справи со тие ситуации.

-Да, потребен ви е „голман кој сака да игра одзади, а тоа е филозофијата на Онана“. Тоа е висок ризик, висока награда. Брилијантно е кога функционира, но кога не е така, изгледа дека менаџерот го згрешил својот избор. Јасно е да се види дека голманскиот оддел е проблем  за Јунајтед.

-Менаџерите понекогаш може да изгледаат како будала со тоа што ќе донесат некој што не функционира. Бев во клубот кога Сер Алекс го доведе Масимо Таиби, тој не успеа. Менаџерот, сепак, го сфати тоа многу брзо. Не сум сигурен дали Тен Хег ќе го стори тоа или дали е доволно тврдоглав да го поддржи Онана. Не знаеме, -истакна Јорк кој четири години го носеше дресот на великанот од Манчестер.