Јончевски за најлошиот аспект од нашата игра: Ова е катастрофално за еден натпревар

Македонија го имаше неверојатниот Ненад Димитријевиќ, ама и неговите 43 поени не се покажаа како доволнии за да ја забележиме второто победа во квалификациите за место на Европското првенство кое се игра во 2025 година.

Одлично се носевме со фаворизираните Литванци 34 минути или се до повредата на Димитријевиќ по која „исчезнавме“ на теренот и тоа на двете страни, противникот ги казнуваше сите наши слабости и на крајот дојде до убедлив триумф од 22 разлика (94:72).

Селекторот Александар Јончевски е задоволен од целосната слика, но притоа не заборави да посочи кој беше најлошиот аспект од нашата игра, борбата под обрачите.

-Дадовме се од себе, покажавме карактер, начинот на кој игравме три четвртини ме направи горд на мојот тим… Иако овој натпревар заврши со поголема разлика од претходниот, покажавме поквалитетна игра, пожртвуваност, одговоривме на нивниот притисок и три четвртини одлично им париравме. Беше тоа машка борба.

-Она што можам да го заклучам од двата меча е дека ни фали игра под кошевите, ни фалат тие ситуации кога треба да го затвориме рекетот и да ги собереме сите промашени шутеви, но и со офанзивен скок да нападнеме, да стигнеме до поени од втора шанса. Денеска имавме вкупно три скока од високите играчи, што е катастрофално за еден ваков натпревар, -рече Јончевски и додаде:

-Го реков тоа и стојам зад моите зборови дека во овој наш тим им талент. Би сакал да потенцирам, тоа се однесува само на овие состави на Македонија и Литванија, јас многу ја почитувам литванската репрезентација и кога би биле комплетни, нивниот талент не би се споредувал со нашиот. Она што го реков беше за овие две селекции кои играа во моментов, се уште го мислам тоа, -подвлече стратегот по средбата во Клаипеда.

Димитријевиќ по лудата партија против Литванците: Бадијала моите поени кога не победивме