Јончевски: Притисокот беше на наша страна, публиката беше жестока и не однесе до победата

Македонската кошаркарска репрезентација по една вистинска драма успеа да слави над Данска со 74-71 во претквалификациите за Европското првенство кое е закажано за 2025 година.

Голема борба се водеше во салата „26 април“ во Гевгелија, беа потребни дополнителни пет минути да се добие победникот или во случајот тоа беше нашиот тим кој со ова остана на 100 процентен учинок, односно „четири од четири“.

Селекторот Александар Јончевски е задоволен од победата, а како клучни за истата ги издвои навивачите.

-Многу тежок натпревар, имавме проблем да се кренеме. Мислевме дека работата е завршена бидејќи позначаен беше натпреварот против Норвешка кои имаа 2-0 кога дојдоа тука, додека Данска дојде со три порази.

-Бевме под притисок, тие погодуваа тешки шутеви што не беше карактеристично за нив на натпреварите од досегашниот циклус. Имавме проблеми под кошевите, ама некако се вративме иако не одеше ништо во наша полза, а тие имаа контрола на играта.

-Благодарение на навивачите успеавме да се вратиме. Тука бев две ипол години и можам да кажам дека денеска публиката беше најжешка.

-Овој натпревар вечерва покажа дека бевме потврди во одбраната, но имавме проблеми во нападот. Шортс е играч кој може да креира ситуација од непостоечки шанси. Шутираше, разигруваше, има пет украдени топки, мотор на екипата како што може и да се забележи од неговиот клупски ангажман. Ти Џеј е скромно момче кој феноменално се вклопи во нашиот тим, – изјави Јончевски.