Јончевски направи конечен избор и селектираше 12 „воини“ за дуелот со Литванија

Александар Јончевски повика 16 кошаркари за стартот на мини-подготовките во месец ноември, но беше јасно дека нема да може да смета на неколкумина од списокот, барем не за првиот меч со Литванија.

Македонија вечерва во 18:00 часот на домашен терен го пречекува некогашниот европски шампион во првиот од двата дуели во период од четири дена, а селекторот Јончевски ќе мора да бара навистина други решенија во стартната постава, бидејќи на располагање ги нема Димитријевиќ, Шортс, Хап, но и Јакимовски.

Нено и Ти-Џеј не се ослободени од клубовите поради тоа што денеска играат во Евролигата, Итан Хап е повреден, додека Андреј Јакимовски исто така има обврски во НЦАА лигата.

Покрај повредените и играчите кои откажаа, Јончевски од списокот од 16 играчи го прецрта и Марин Петков, но тој останува во игра за настап на реваншот, нешто што важи и за Нено Димитријевиќ кој најави појавување во Вилнус.

Повикани играчи за денешниот мел во Скопје:

Војдан Стојановски
Дамјан Стојановски
Дамјан Робев
Виктор Ефремовски
Бојан Крстевски
Андреј Маслинко
Лејсон Зеќири
Страхил Николов
Стојан Ѓуроски
Бобан Стајиќ
Адем Мекиќ
Кристијан Николов