Јончевски го доби главниот ас: Димитријевиќ и се приклучи на македонската репрезентација

Македонската репрезентација ги продолжува подготовките за престојните мечеви против Данска и Словачка во претквалификациите за Евробаскетот 2025, а од денеска селекторот Александар Јончевски ќе може да смета и на нашиот најдобар кошаркар Ненад Димитријевиќ.

Димитријевиќ ги среди приватни обврски поврзани со преселбата во новиот клуб Уникс Казан, па откако тоа го среди се стави на располагање на нациоланиот состав кој сега тренира во Скопје.

До крајот на оваа седмица тимот ќе работи во СЦ „Борис Трајковски“ по што ќе се пресели во СРЦ „Кале“.

Сега останува само уште Кристијан Николов да се појави на тренинзите за да Јончевски го има на располагање комплетниот ростер пред дуелите со Данците и Словаците.