Јокиќ: Во мојата земја би добиле двојно помала плата после ваков пораз

Никола Јокиќ повторно играше речиси сам и како залудни се покажаа 56-те поени кои ги постигна, бидејќи Денвер рано утрово загуби од убедливо најлошиот тим во НБА лигата.

Вашингтон го засени индивидуалниот учинок на Србинот и победи со 122:113, па со тоа само ја потврди кризата на НБА шампионот од 2023-та година кој има три порази на последните четири меча.

Новинарите го запрашаа Јокиќ како може да се поправи тимот во ситуација кога тој не победува и после негово брутално издание, по што Никола им даде интересен предлог на водечките луѓе.

– Што би требало за да се опаметиме? Потребна е реакција од целиот тим, а во мојата Србија после ваква серија и ваков пораз би добиле двојно помала плата.

– Можеби тоа треба и да се случи, може тоа ќе ни биде мотивација да бидеме подобри. Мислам дека добра мотивација би било и некој од стартната петорка да биде преселен на клупа, – изјави Јокиќ.