Јокиќ во елемент при прославата на медалот: Проклета е Америка… (Видео)

Србите вчера мораа рано да станат и да го играат „малото финале“ на Олимписките игри, но затоа добија многу време за прослава и лудување пред да дојде до свечено доделување на медалите.

Тимот на Светислав Пешиќ одигра брилијантна кошарка во битката со бронзениот медал и заслужено ја победи Германија, а српските медиуми и денеска ги доловуваат деталите од големата фешта.

Српските кошаркари се погрижиле освоениот медал да биде добро „напоен“, но истовремено, покрај пиењето алкохол, играчите се опуштале и со песни од нивната родна земја.

Во едно од прикажаните видеа, во прв план е најдобриот играч на српскиот тим, кој понесен од еуфоријата, почнал да ја пее „Проклета е Америка“.

Токму Американците застанаа на патот на Србија кон олимпиското злато, па затоа песната на Никола Јокиќ е уште поголем хит на социјалните мрежи.

jokić singing PROKLETA JE AMERIKA I ZLATO ŠTO SJA u cannot make this shit up I LOVE MY LIFE pic.twitter.com/QrdR7ZhkZ3

— маја 🏀 (@desperationacts) August 10, 2024