Поврзете се со нас

НБА

Јокиќ се „изгаси“ во „Медисон Сквер Гарден“, Шеј испорача нова 50+ партија во НБА лигата (ВИДЕО)

Објавено

на

foto: x.com/okcthunder

Никола Јокиќ беше непрепознатлив, а Денвер Нагетс го загуби дербито со Њујорк Никс кое рано утрово се одигра во НБА лигата.

Србинот на самиот почеток влезе во проблем со личните грешки и потоа не успеваше да влезе во посакуваниот ритам, односно севкупно гледано на крајот тој ја одигра една од најлошите партии во последниве години со 17 поени, 6 скока, 6 асистенции и 2 загубени топки.

Од друга страна пак кај домаќините кои триумфираа со 122:112, тимската игра беше во прв план, шестмина играчи беа двоцифрени, лидер беше Брансон со 30 поени и дури 15 асистенции. За Никси ова беше петта победа во серија, додека за Денвер трет пораз во низа и јасно е дека избраниците на Мелоун ќе бараат излез од мини кризата веќе на соочувањето со Филаделфија.

Шеј Гилџес Александер имаше ново блескаво издание во дресот на Оклахома Сити Тандер, нова 50+партија, меѓутоа овојпат тоа не беше доволно за позитивен резултат во Сан Франциско против Голден Стејт Вориорс.

Канаѓанецот даде 52 од 109 кошеви на својот тим, но домаќините сепак на крајот триумфираа со 116:109. Вигинс и Кари со 27 и 21 поени беа лидери кај „воините“ за кои Луни исто имаше важна улога од клупата со 18 кошеви.

Резултати:

Шарлот хорнетс – Бруклин нетс 83:104
Индијана пејсерс – Детроит пистонс 133:119
Вашингтон визардс – Торонто репторс 82:106
Бостон селтикс – Чикаго булс 122:100
Мајами хит – Кливленд кавалирс 106:126
Њујорк никс – Денвер нагетс 122:112
Филаделфија севентисиксерс – Сакраменто кингс 117:104
Њу Орлеанс пеликанс – Далас маверикс 136:137
Сан Антонио спурс – Лос Анђелес клиперс 116:128
Финикс санс – Минесота тимбервулвс 113:121
Голден Стејт вориорс – Оклахома Сити тандер 116:109

Advertisement
Advertisement

Италија

Advertisement

Популарни