Јокиќ одговори на јавните критики од Мелоун (Видео)

Денвер доживеа кошаркарски дебакл на домашен терен и беше посрамотен со резултат 113:145, епилог кој направи обичниот мирниот Мејк Мелоун да го загуби трпението.

Тренерот на Нагетси не се штедеше по крајот на натпреварот и ги подбра и најголемите ѕвезди во тимот, вклучувајќи ја и ѕвездата со МВП бројки, Никола Јокиќ.

Мелоун посочи дека Србинот требал да биде „погласен“ како и сите останати играчи во тимот поради претрпената бламажа, а по ваквите прозивки, Јокиќ доби шанса да одговори и тоа го направи доста мирно и професионално.

– Мислам дека тренерот е во право. Секогаш влегуваме на натпреварите доста бавно, се доведуваме во ситуација да бркаме резултат и да губиме по 20 поени на полувреме. Тоа ни се повторува неколку пати, треба да сфатиме дека не се загреваме добро, или дека не играме доволно добро на стартот. Не знам што е точно, но мора колективно да правиме многу подобра работа на стартот на натпреварите.

– Противникот беше едноставно подобар од нас, ги погодуваа своите шутеви, се пробиваа лесно во нашата одбрана. Ние како да не се појавивме на теренот, но се учи во кошарката и од вакви натпревари. Понекогаш е добро да добиете силен удар во лице за да се разбудите. Се надевам дека ќе биде така со нас, – изјави Србинот.

Nikola Jokic after the Nuggets' 145-118 loss to the Knicks:

"It's always good to get punched in the face, just to wake up." pic.twitter.com/jMpXjVxeAv

— DNVR Nuggets (@DNVR_Nuggets) November 26, 2024