Јокиќ нанижа уште еден трипл-дабл, ЛеБрон ја доби шутерската пресметка со Кари

Никола Јокиќ и ЛеБрон Џејмс се дел од групата кошаркари кои се истакнаа со својот учинок на последните натпревари во НБА, а на кој српскиот центар забележа уште еден трипл-дабл, додека ЛеБрон уфрли 42 поени и беше блиску до трипл-дабл ефект.

Денвер пред своите фанови го совлада Орландо, а Јокиќ го заврши натпреварот со 28 поени, 10 скокови и 12 асистенции, додека најефикасен на мечот бил Портер со 30 поени.

Лос Анџелес Лејкерс го победи Голден Стејт, на натпревар на кој ЛеБрон, покрај 42 поени имаше и 17 скокови и 8 асистенции. Стеф Кари со слаб процент на реализација го загуби шутерскиот дуел, иако и самиот стигна до 37 поени на овој дуел.

Далас успеа да го изненади шампионот Бостон на гостински терен и тоа поради одличниот ефект на поголем број играчи, предводени од Томпсон со 25 поени.