Јокиќ имаше ново шоу со 48 поени, Денвер ја прекина победничката серија на „јастребите“ (ВИДЕО)

Никола Јокиќ е најдобриот играч на светот во овој момент и потврда за тоа се неверојатните две изданија кои ги имаше два дена во низа во НБА лигата и тоа против Вашингтон Визардс и Атланта Хокс.

Србинот против Визардс испорача 56 поени, 16 скока и 8 асистенции, а рано утрово против „јастребите“ реализираше 48 поени со 14 скока и 8 асистенции со таа разлика што сега Денвер Нагетс славеше во Џорџија (141:111) и со тоа ја прекина серијата од шест победи на некогашниот клуб на Перо Антиќ. Со ова Никола стана трет играч во историјата на НБА по Вилт Чембрлен и Елџин Бејлор со повеќе натпревари во низа со 45+поени, 10+ скока и 5 асистенции.

Three players have ever had 45+ points, 10+ rebounds, and 5+ assists in consecutive games:

Jokić, Wilt and Elgin. https://t.co/6Wzft8qtQP pic.twitter.com/JPkrT0ccJm

— NBA History (@NBAHistory) December 9, 2024

Во ова 12. сезонско славје добра поддршка беше Портер Џуниор со 26 поени и 7 скока. На спротивната страна Хантер ја предводеше листата на стрелци со 20 кошеви.

Лос Анџелес Лејкерс без услугите на најголемата ѕвезда Леброн Џејмс стави крај на низата на лоши резултати и го реши Портланд Трејл Блејзерс со 107:98. Дејвис имаше дабл-дабл од 30 поени и 11 скока, плус 5 блокади, а фантастичен од клупата беше Расел со 14 асистенции и 28 кошеви.

Резултати НБА:

Чикаго – Филаделфија 100:108
Бруклин – Милвоки 113:118
Индијана – Шарлот 109:113
Атланта – Денвер 111:141
Мајами – Kливленд 122:113
Орландо – Финикс 115:110
Вашингтон – Мемфис 112:140
Сан Антонио – Њу Орлеанс 121:116
Голден Стејт – Минесота 114:106
Сакраменто – Јута 141:97
Kлиперс – Хјустон 106:117
Лејкерс – Портланд 107:98