Јокиќ и Ленард ги предводеаа Денвер и Клиперс до први победи во плејофот, Лејкерс направи пресврт во Мемфис(Видео)

По крајот на регуларниот дел, во НБА лигата започна највозбудливиот дел од сезоната, односно разигрувањето меѓу најдобрите екипи во Америка во плејофот.

Синоќешната програма во Америка започна со дуелот меѓу Мемфис и Лос Анџелес Лејкерс, на кој „езерџиите“ доживеаја шок во првото полувреме поради повреда на Дејвис, која сепак излезе дека не е сериозна и центарот се врати во игра во вториот дел.

Лејкерси губеа по првите две четвртини со 65:59, но потоа направија пресврт на крајот на третата четвртина, а потоа комплетно го надиграа домаќинот и поведоа во серијата со 1:0 благодарение на триумфот од 112:128.

Сигурни победи остварија и Денвер и Лос Анџелес Клиперс во своите први натпревари во сериите, со тоа што Нагетси беа подобри од Минесота со 109:80, а Клиперси од Феникс 110:115 на гостински терен.

На последниот натпревар во Америка, Милвоки претрпе шокантен пораз на домашен терен од Мајами со 117:130, но најлоша вест е што се повреди Јанис Адетокумбо и тој е неизвесен за вториот меч во серијата.