Јокиќ го здогледа Дончиќ, па му порача: Убаво си се „лизнал“ (Видео)

Новата пресметка меѓу Никола Јокиќ и Лука Дончиќ беше откажана во последен момент, откако Лос Анџелес Лејкерс реши да ја одмори својата голема ѕвезда по препорака на лекарскиот тим.

Словенецот отпадна од дербито кое требаше да биде прво за него против Јокиќ во дресот на „езерџиите“, но сепак беше блиску до теренот и одблиску ги следеше случувањата на паркетот.

Денвер успеа да победи 131:126 во натпревар во кој „езерџиите“ играа без Дончиќ и ЛеБрон, а Јокиќ повторно беше најефикасен во својот тим со 28 постигнати поени.

Србинот придодаде и со 7 скокови и 5 асистенции, но големо внимание привлече и со потегот кој го имаше со својот добар пријател.

Јокиќ не остана рамнодушен кога го здогледа Дончиќ во првиот ред, а откако се прегрнаа, со јасни гестикулации му порача дека добро „се лизнал“ и ослабел за овој краток период во Лос Анџелес.