Јилдиз ги воодушеви фановите со „рулет“ дриблинг: Најважно е што постигнавме гол (Видео)

Јувентус мораше да прави пресврт на дуелот со Емполи, за на крајот да стигне до убедлива победа на дуелот на кој едноставно не смееше да си дозволи кикс против екипите од долниот дел од табелата.

Кенан Јилдиз не успеа да постигне гол, но имаше важна улога во акцијата по која Коло Муани реализираше за водство од 2:1, а ги воодушеви фановите со „рулет“ дриблингот во стилот на клупската легенда, Зинедин Зидан.

Турскиот фудбалер по натпреварот истакнал дека чувствува дека може да го изведе потегот, но најважно е што истиот резултирал и со погодок.

– Постојано ми се вртеше во глава за време на натпреварот и убаво е што ми успеа.

– Само сакам да му помогнам на тимот и среќен сум што постигнавме гол од таа акција, – рекол Јилдиз по натпреварот.