Јапонија е првиот официјален патник на фудбалскиот мундијал (Видео)

Светското фудбалско првенство кое ќе се одигра наредната година ќе биде 23-то по ред во историјата, а домаќините на истото ќе бидат САД, Мексико и Канада.

Иако има повеќе од една година до стартот на новите мундијалски возбудувања, денеска преку квалификациите го дознавме првиот официјален патник на главниот собир, а тоа е селекцијата на Јапонија.

Јапонија денеска го победи Бахреин со 2:0 и го завери пласманот на најважното натпреварување, и тоа на три рунди пред крајот на азиските квалификации.

„Самураите“ поведоа со голот на Камада во 66-та минута, а точка на мечот стави поранешната ѕвезда на Реал Мадрид, Такефуша Кубо.

Јапонија со 19 освоени бода на седум натпревари ја потврди својата доминација во Азија, па сега има девет бодови повеќе од второпласираната Австралија, која инаку е втор фаворит од оваа група за пласман на мундијалот.