Јанг и Атланта пронајдоа решение за Кливленд, Денвер и Лејкерс им се вратија на победите (ВИДЕО)

Тимот на Кливленд Кавалирс го претрпе првиот домашен пораз во оваа сезона во НБА лигата и тоа од Атланта Хокс која го освои Охајо со резултат 135:124.

„Јастребите“ покажаа констатност низ целиот натпревар и заслужно дојдоа славје на теренот на кој претходно паднаа десет екипи во низа. Во фокусот беше плејмејкерот Јанг кој со 22 асистенции дојде до личен рекорд, плус реализираше 20 поени и собра 5 скока. Најголема поддршка му беа Хантер и Џонсон кои искомбинираа 48 поени.

Кај поразените Мичел уфрли 30 поени со 7 асистенции.

Денвер Нагетс брзо го заборави дебаклот во дуелот со Њујорк Никс и оствари ритински триумф во Солт Лејк Сити против Јута Џез со 122:103. Четворица играчи беа двоцифрени, лидер беше Јокиќ со 30 поени, 10 скока и 7 асистенции.

Лос Анџелес Лејкерс стави крај на серијата од три порази и тоа во Тексас кај Сан Антонио Спарс. Популарните „езерџии“ го надиграа домаќинот со 119:101 и тоа со тимска игра, сите стартери беа двоцифрени, плус Кристи и Расел од клупата.

Со учинок 11-7 клубот од Калиифорнија е на петтото место на табелата.

РЕЗУЛТАТИ:
Шарлот – Мајами 94:84
Кливленд – Атланта 124:135
Индијана – Портланд 121:114
Орландо – Чикаго 133:119
Филаделфија – Хјустон 115:122 прод.
Вашингтон – Клиперс 97:121
Далас – Њујорк 129:114
Мемфис – Детроит 131:111
Минесота – Сакраменто 104:115
Њу Орлеанс – Торонто 93:119
Сан Антонио – Лејкерс 101:119
Феникс – Бруклин 117:127
Јута – Денвер 103:122
Голден Стејт – Оклахома 101:105