Јамал со вонсериски акробатски прием ги хипнотизираше фудбалските фанови (Видео)

Ламин Јамал повторно е дел од шпанската репрезентација и се очекува вечерва да биде стартер против Србија, па иако шпанските фанови повторно се враќаат на убавите спомени од пред два месеци, оние на Барселона повторно го искажуваат сето свое воодушевување поради видеото кое кружи на социјалните мрежи.

И покрај тоа што сега е насочен кон натпреварите во Лигата на нации, еден видео материјал од пред неколку дена сега стана вирален хит, бидејќи преку истото ни се презентира неверојатната класа која ја поседува тинејџерот.

Јамал импресионира со леснотијата со која се ослободува од своите чувари, но позитивна страна му е и техниката која не недостасува и покрај тоа што има само 17 години.

Се работи за видео од еден од последните тренинзи со Барселона, на кој Јамал успеал да прими една исклучително тешка топка.

Ламин успеа да ја прими топката на акробатски начин во стилот на Златан Ибрахимовиќ, па ова е видео на кое сигурно ќе биде горд и легендарниот Швеѓанец.