Јамал со генијално додавање во стилот на Модриќ ја извади од игра цела одбрана на Вилјареал (Видео)

Ламин Јамал го прикажува сиот свој потенцијал од коло во коло, па фудбалскиот дијамант на Барселона блескаше во сиот свој сјај и во денот кога тешка повреда заработи Марк Андре Тер Штеген.

Ужасната повреда на Германецот ја фрли во сенка убедливата победа која ја оствари Барса со убедливи 1:5 на гостувањето кај Вилјареал, меѓутоа фудбалските фанови на големо го споделуваат потегот на крилниот напаѓач на каталонците.

Јамал вчера не успеа да се запише во листата на стрелците, но затоа испорача една тривела асистенција која на најдобар можен начин ја комплетираше Рафиња.

Бразилецот одлично се снајде и по петти пат ја затресе мрежата на „жолтата подморница“, но дефинитивно во прв план е пасот на Јамал.

Ламин ја извади од игра цела одбрана на Вилјареал со еден потег, па така со брилијантната контра се стави печат на голеадата на „Ла Керамика“.

ABSOLUTELY UNREAL FROM LAMINE YAMAL!!! 🤯

AN INCREDIBLE TRIVELA ASSIST TO FIND RAPHINHA, WHO SCORES TO MAKE IT 5-1 VS. VILLARREAL 🔥 pic.twitter.com/UrlCgR5OdM

— ESPN FC (@ESPNFC) September 22, 2024