Шпанија

Јамал со генијален одговор за своето трик-додавање: На ФИФА се прави со „Л2“ (Видео)

Објавено

на

4 декември, 2024

Од

Foto:x.com/FCBarcelona

Ламин Јамал ја воодушеви цела Шпанија со новата тривела бравура која ја режираше на Балеарските Острови, а ова додавање полека прераснува во вистински специјалитет кога е во прашање вонсерискиот талент на Барселона.

Претходно, Јамал со тривела асистенција му намести гол на Олмо против Еспањол, но имаше специјална конекција со Рафиња и на дербито против Вилјареал пред неколку месеци.

Ламин повтори иста ситуација со Рафиња на вчерашниот натпревар со Мајорка кој Барса го доби со 1:5, а во разговорот за еден каталонски медиум, Јамал дал и генијален одговор за своето трик-додавање.

– На ФИФА може да го направите тоа со притискање на „Л2“, – со голема насмевка на лицето одговори Јамал, откако новинарот му порача дека неговите додавање изгледаат лесно како тоа да го прави на видео игра.

Барселона не забележа ниту една победа на претходните три натпревари на кои Јамал не беше стартер во Ла Лига, па во овој момент изгледа дека тинејџерот е убедливо најклучен играч во системот на Ханси Флик.