Јамал откри како ги усовршил дриблинзите: Не постои потежок предизвик од тоа

Ламин Јамал бележи стратосферски раст во тинејџерските денови и веќе важи за голема фудбалска ѕвезда, играч кој зад себе остави и неверојатен настап на Европското првенство.

Јамал се закити со титулата европски шампион на само 17 години и дефинитивно е предодреден да биде идниот голем лидер на Барселона, но бестрашниот тинејџер е омилен меѓу фановите и поради симпатичните изјави кои ги дава во јавноста при секое свое излагање.

Младиот фудбалер открива дека неговата фудбалска вештина и дриблинзите се резултат на играње на улица против свои врсници и постари дечиња, но и поради фактот што често знаел да тренира и да се брка со кучиња.

– Насекаде одев со топката пред да станам професионалец. Ја носев со мене во училиште, се сеќавам дека ја криев во ќеса за да не ја види мојата учителка. Играв против кучиња на улица, секогаш трчав и се дриблав со нив. Можам да ви тврдам дека е најтешко да играте против куче кога имате топка во нозете. Не постои потежок предизвик од тоа.

– Сепак, многу важно беше тоа што пораснав играјќи на улица. Играњето на улица направи да немам страв кога играм против постари од мене. Голем број од противниците има по 20 години, а јас имав 11. Тоа направи да бидам бестрашен во оваа фаза од кариерата, – открива Јамал во интервјуто за „Лекип“.