Јамал го избра Нејмар пред Меси: Тој е мој идол, фудбалска легенда!

Ламин Јамал е новата голема надеж на Барселона, играч кој треба да биде лидер и да одбележи една ера кај каталонскиот гигант.

Иако е само тинејџер тој веќе има супер значајна улога во екипата, но неговиот потенцијал е огромен и сите навивачи на Барселона очекуваат дополнително да блесне и да го води тимот до успеси и титули.

Тоа долго време го правеше Лионел Меси со кого Јамал често знае да биде споредуван, но младиот Шпанец има друг идол и на прво место го става Нејмар кој исто своемвремено го носеше дресот на каталонскиот гигант.

-Имав пет години кога го видов во Сантос, но седум години кога го видов лично во Барселона на Камп Ноу. Беше неверојатно да се гледа. Да, точно е дека (Лионел) Меси беше таму, кој исто така беше неверојатен, но тој беше нешто сосема друго.

-Нејмар отсекогаш бил мојот идол. Тој е ѕвезда, фудбалска легенда, -истакнал офанзивецот за „Си-Ен-Ен“.