Јакимовски по победата над НЦАА шампионот: Тренерот побара да го земам последниот шут, нацрта добра акција за мене

Македонскиот репрезентативец, Андреј Јакимовски беше херојот на Колорадо во победата над актуелниот шампион во НЦАА лигата, Универзитетот Конектикат (Јукон).

Јакимовски забележа дабл-дабл на ова соочување во кое го постигна и кошот за триумф на „бафалос“ за конечни 73:72.

Македонецот херој: Јакимовски со тежок кош донесе победа за Колорадо (ВИДЕО)

-Тренерот ми веруваше и побара да го земам последниот шут, нацрта добра акција за мене, бев „еден на еден“ и постигнав кош. Среќен сум, ова е одлична тимска победа. Одигравме одлично во одбрана, на крајот имавме неколку офанзивни скокови, погодивме слободни фрлања и така го добивме натпреварот. Ако продолжиме вака да играме можеме да го победиме секој тим во државата, -порача Јакимовски.

Нареден ривал за Андреј и соиграчите е Ајова Стејт која во досегашниот тек има учиноок 4-1.