Јакимовски најдобар стрелец, Вашингтон не успеа да победи во Санта Круз

Македонскиот кошаркар Андреј Јакимовски имаше одличен настап во дресот на Вашингтон Стејт, но Кугарс не се снајдоа најдобро во завршницата и загубија на гостувањето кај Стенфорд со 75:60.

Стенфорд ја направи разликата во последните 3-4 минути, пред кои Вашингтон успеа да го поправи впечатокот од првото полувреме и да фати резултатски приклучок.

По првите 20 минути, Стенфорд водеше со 41:30, но Јакимовски и неговите соиграчи го засилија темпото и се изборија за порамноправен влез во завршницата во Санта Круз, која сепак му припадна на домашниот тим.

Bang, @andrejjaki23 with a 4th three-pointer and a career high for the sniper#GoCougs

📺 https://t.co/XEMS0ddkzH pic.twitter.com/6JSfHEZcvl

— WSU Men’s Basketball (@WSUCougarMBB) January 9, 2021

Starting the second half just like the first#GoCougs

📺 @Pac12Network pic.twitter.com/YlgUoX70FB

— WSU Men’s Basketball (@WSUCougarMBB) January 9, 2021

Јакимовски беше најдобар реализатор кај Вашингтон Стејт, со вкупно 19 постигнати поени, а забележа и 3 скокови и 1 блокада, додека зад него остана Ајзак Бонтон со 18 поени.

За Вашингтон ова е втор пораз во НЦАА лигата сезона, но со ефект 9-2 останува меѓу водечките екипи во својата дивизија и воопшто во лигата.