Јаја Туре го напушти Стандард и му стана помошник на свој поранешен тренер

Јаја Туре последните години е посветен на својата тренерска кариера и се обидува да го добие потребното искуство, со чија помош во иднина би можел да остварува резултати слични на тие од периодот кога беше професионален фудбалер.

По неколку тренерски ангажмани и последниот во редовите на белгиски Стандард, поранешната ѕвезда на Барселона и Манчестер Сити решила да прифати нов предизвик.

Туре ќе стане дел од стручниот штаб на Роберто Манчини во Саудиска Арабија и ќе му помага на Италијанецот во водењето на националниот тим на амбициозната азиска земја.

Манчини му беше тренер на Туре во Сити и двајцата одлично соработуваа, па очигледно е дека Манчини сака да му помогне и во рамките на тренерскиот развој.

Пред неколкумесечниот престој во Стандард, Туре работеше и во Украина и Русија, односно во младинската академија на Тотенхем.