Јаја Туре го избра најдобриот играч во светот: Многумина го оспоруваат со години, но…..

Јаја Туре четири пати беше избиран за најдобар африкански фудбалер во својата кариера, а како поранешен играч со посебен статус во светски рамки, легендарниот член на Манчестер Сити се огласи и за фудбалерот од „црниот континент“ кој доминира во Премиер лигата.

Туре со посебно зборови ги опиша сите големи достигнување на Мохамед Салах во Ливерпул, фудбалер кој според него често знае да биде непочитуван и оспоруван од јавноста, без оглед на се што направи и достигна како главен голгетер на „црвените“.

Салах урива низа рекорди со својата страшна сезона во англиската елита, а Јаја нема дилеми дека Мо во овој момент е најдобар играч во светот.

– Без да покажам било какво непочотување кон други играчи, но Салах заслужува да се нарече најдобар во светот. Тој не е најдобар само во Африка, тој е најдобар во светот.

– Кога зборуваме за него, зборуваме за играч кој во континуитет носи неверојатни бројки. Сум гледал играчи кои се преценти после само една добра сезона, но Мо е константен со години наназад. И покрај тоа, луѓето пронаоѓаат начин да го оспоруваат и да не покажат доволно почит, – вели Туре во интервјуто за БеИН Спортс“.