Јабуселе за бруталното забивање преку ЛеБрон: И покрај поразот, ќе залепам постер во мојот дом! (Видео)

Гершон Јабуселе не можеше да се радува по последниот звук на сирената на финалето против Америка, но повеќе од јасно е дека играчот на Реал Мадрид ќе го памети овој натпревар до крајот на животот.

Францускиот репрезентативец беше еден од најактивните и најборбените во поразениот тим, а агресивниот пристап направи да видиме и една атракција за најавните шпици.

Јабуселе тргна моќно е енергично против најголемиот „ѕвер“ во американскиот „дрим-тим“, но Французинот воопшто не се исплаши и го постеризираше ЛеБрон Џејмс.

Спектакуларната атракција на Гершон стана вирален хит и ги воодушеви кошаркарските фанови, па и покрај поразот, Јабуселе ја истакнал својата мајсторија во разговорот со француските новинари по крајот на мечот.

– Моето забивање преку ЛеБрон? Немав друг избор, кога го видов пред мене, си замислив две сценарија. Или ќе забијам, или ќе ме изблокира. И покрај поразот, ќе ставам постер со оваа слика во мојот дом, – изјавил Јабуселе.

POSTER ALERT DE GUERSCHON YABUSELE 🚨💥#TeamFranceBasket | #PassionnémentBleu | #Paris2024 | #FRAUSA
pic.twitter.com/XwfMC56x6a

— Équipes de France de Basket (@FRABasketball) August 10, 2024