Јабуселе го напушта Реал, договорил враќање во НБА лигата

Францускиот репрезентативец Гершон Јабуселе одигра одлично на кошаркарскиот турнир на последните Олимписки игри, а тоа очигледно му помогнало да добие атрактивна понуда за враќање во НБА лигата.

Јабуселе е подготвен да плати 2,5 милиони евра за да добие раскин на договорот со Реал Мадрид, по што ќе може да ги оствари амбициите за враќање во најсилната кошаркарска лига во светот.

Добро упатениот новинар Шамс Чаранија вели дека Јабуселе ги има договорено речиси сите детали со Филаделфија и наскоро ќе биде потврден неговиот ангажман во НБА екипата со големи амбиции.

Французинот беше избран од Бостон како 16. пик на НБА драфтот во 2016 година, беше дел од овој тим меѓу 2017 и 2019 година, за од 2021 година да настапува за Реал со кого стана европски шампион.

Според НБА правилата, Филафелдија може да покрие само 850.000 долари од евентуалната отштета за Јабуселе, што значи дека самиот кошаркар ќе треба да го реши најголемиот дел од проблемот за да добие зелено светло од шпанскиот клуб.