Ја оствари посакуваната цел: Чептеги со олимписки рекорд до злато на 10 илјади метри

Џошуа Чептеги конечно успеа да симне голем товар од грбот и да го оствари успехот за кој сонуваше, откако вечерва ја покажа својата класа во последните 500 метри од делницата од 10 километри.

Атлетичарот од Уганда е трикратен светки шампион и освои златен медал на 5 илјади метри во Токио, но сега конечно дочека славни моменти и на делницата која е негова омилена.

Чептеги мораше да се задоволи само со Сребро пред три години, но вечерва беше најбрз на 10 илјади метри и се закити со толку посакуваниот златен медал.

За да биде уште подобро, атлетичарот од Уганда со време од 26:43.14 постави нов олимписки рекорд, па јасно е дека освоеното злато ќе свети уште посјајно на пиедесталот.

Зад него денеска заврши Арегави од Етиопија на кого му припаѓа среброто, додека бронзата оди кај Американецото Фишер.