Ја доби довербата од навивачите и медиумите: Димитријевиќ ќе игра на „Ол-старот“ во ВТБ-лигата

Членот на Уникс Казан и воедно македонски репрезентативец, Ненад Димитријевиќ ќе биде дел од мечот на ѕвездите во ВТБ лигата.

Нено ја доби довербата од навивачите и медиумите, па ќе игра на битката меѓу „New School“ (Новата школа) и Old School (Старата школа) која е закажана за 16 февруари. Димитријевиќ ќе биде во составот на „новата школа“ во која е и неговиот соиграч од Уникс, Мејкон, а тука се уште Роберсон, Барфорд, Касаткин, Руженцев, Лопатин, Астапкович, Милутинов и Карасев.

На другата страна се Ертел, Швед, Боутрајт, Воронов, Бабурин, Енис, Курбанов, Воронцевич, Диме и Рејнолдс.

Лигата ќе определи уште по двајца играчи во двата тима, односно ростерите ќе бројат по 12 играчи. Останува да видиме кои ќе бидат тренерите, односно дали и Емил Рајковиќ ќе биде дел од шоуто со оглед на тоа што има фантастични резултати со ЦСКА Москва во актуелнава кампања.

View this post on Instagram

A post shared by Единая Лига ВТБ | VTB League (@vtbleague)