Извршниот директор на Премиер лигата потврди до кога ќе трае оваа сезона и за кога се планира почетокот на идната

Фудбалерите во Премиер лигата полека се подготвуваат за рестартирањето на сезоната која беше прекината на 9 март поради пандемијата од коронавирусот.

На играчите им е дозволено да се вратат на тренинзи во помали групи, држејќи социјална дистанца, а потоа, околу седум дена подоцна ќе биде дозволено да се тренира и во групи, а ќе биде дозволен и контакт.

Извршниот директор на Премиер лигата, Ричард Мастерс потврди дека плановите се оваа сезона да заврши на крајот на јули, а следната да продолжи на крајот на август или почетокот на септември.

Штом сезоната во јули заврши, ќе се доиграат натпреварите од европските натпреварувања во Лигата на шампионите и Лига Европа, па дел од клубовите ќе немаат многу време за подготовка во пресрет на новата сезона.

– Може да дојдеме до точка кога следната сезона ќе биде тешка за закажување. Се уште не сме дојдени до тука.

– Враќањето во јуни, а завршувањето на сезоната во јули остава време за пауза за другите натпреварувања да бидат комплетирани, а почетокот на следната сезона да биде закажан за крајот на август или почетокот на септември, -изјави Ричард Мастерс.