Изненадувачкиот стартер на последните два меча на Јунајтед: Ако клубот побараше да си заминам, без проблеми ќе го направев тоа

Кристијан Ериксен не се изнаигра на крајот на минатата сезона и се жалеше за својот статус во првиот тим, па иако се очекуваше да направи трансфер ова лето, искусниот Данец остана опција плус на „Олд Трафорд“.

Ериксен ја започна новата сезона без минутажа и се доби впечаток дека Ерик Тен Хаг не смета на него, но тоа се промени на последните два меча во кои Кристијан беше стартер, но на кои постигна и два гола.

По доброто издание против Саутемптон, Ериксен доби континуитет и запиша два гола и асистенција против Барнсли, по што самиот реши да откри во каква атмосфера го минал ова лето.

Играчот за врска не презел никаква иницијатива и чекал момент во кој ќе му биде соопштено најлошото, но на крајот излезе дека ќе ја доработи последната година од договорот со „ѓаволите“.

– Ако клубот побараше од мене да си заминам, без проблеми ќе го направев тоа. Но, цело лето не слушав такво нешто од никој. Мене ми е многу добро во Манчестер и тука сум за да му подадам рака на тимот секогаш кога ќе затреба, – изјави Ериксен.