Изненадувачки резултат: Руд му зема мерка на Алкарас на завршниот турнир во Торино (ВИДЕО)

Карлос Алкарас доживеа шокантен пораз од Каспер Руд во првиот меч во групата Б на АТП завршниот турнир во Торино.

Руд е во многу лоша форма и важеше за апсолутен аутсајдер на овој меч, но Норвежанецот во исто време е играч кој е подолго на сцената, знае како се игра на значајни настани и успеа да му земе мерка на Шпанецот и тоа со триумф во два сета.

Карлос уште во првиот гејм не искористи две брејк топки и од тука му почна падот затоа што првиот сет го загуби со 6-1. Во втората рунда Алкарас водеше со 4-2, 5-3, меѓутоа тука застана и му дозволи на противникот да ги добие наредните четири гејма за 7-5 и потврда на победата на натпреварот.

Каспер во второто коло ќе игра со Рубљов, додека Карлитос ќе се обиде против Зверев да се врати на победничка патека.

RAMPANT RUUD 💪

The moment @CasperRuud98 recorded his first EVER win over Alcaraz 6-1 7-5!#NittoATPFinals pic.twitter.com/zAuqklbrqf

— Tennis TV (@TennisTV) November 11, 2024