Ивановски запиша нова победа во Монастир, Ѓорческа по голема борба до четвртфинале во Талин

Најдобрите македонски тениски асови, Калин Ивановски успешно ги минаа осминафиналните пречки на фјучерсите во Монастир (Тунис) и Талин (Естонија).

Ивановски во денешната рунда оствари триумф над Никола Тепмак од Франција со 2-0 во сетови. Повеќе од два часа траеше мечот на теренот број 6, па така првиот сет беше решен во тај-брејкот со 8-6, а во вториот пак Калин преку 10 гејма (6-4) дојде до победата и место меѓу осумте најдобри на турнирот кој се игра на тврда подлога.

Негов нареден ривал може да му биде првиот носител Робин Бертран под услов овој да биде подобар од Федерико Јанаконе.

Лина пак на турнирот во Естонија кој се игра за награден фонд од 40.000 американски долари се избори за драматичен триумф над Литванката Јустина Микулските со 2-1. Точно 2 часа и 39 минути траеше овој натпревар и истиот заврши со резултат 6-3, 5-7, 6-4.

Ова значи дека Ѓорческа како седма носителка оди на мегдан со Зејнеп Сонмнез, тенисерка која пред пет дена ја доби со 2-0 во сетови на претходниот турнир во естонската престолнина.