Ивановски загуби од петтиот носител на Челинџер турнирот во Нотингем

Македонскиот тениски рекет, Калин Ивановски не успеа да го мине првото коло на АТП Челинџер турнирот што се игра во Нотингем (Велика Британија).

Ивановски за ривал го имаше петтиот носител, играчот кој важи за голема надеж на хрватскиот тенис, Дино Прижмиќ. Два часа траеше пресметката меѓу Македонецот и Хрватот, Дино во првиот сет направи еден брејк што се покажа како доволен за освојување на сетот со 6-3.

Во вториот сет се водеше жестока борба, двата тенисери го сочуваа сервисот по што се замина во тај-брејк каде фаворитот беше далеку подобар, пофокусиран и со 7-3 ја потврди победата и пласманот во осминафиналето на овој настан во Англија.

Инаку ова беше втора меѓусебна пресметка меѓу Прижмиќ и Ивановски, првата беше во Скопје во 2023 година каде Хрватот исто славеше со 2-0 во сетови.