Ивановски преку драма до триумф во Роверето

Македонскиот тенисер, Калин Ивановски успеа да го мине првото квалификациско коло на АТП Челинџер турнирот во Роверето (Италија).

Ивановски во драматичен и возбудлив беше беше подобар од 27-годишниот Алексис Готие од Франција со 2-1 во сетови.

Нашиот рекет беше сигурен во првиот сет кој го доби со 6-3, во вториот пак се водеше жестока борба и како пресуден се покажа брејкот кој Готие го направи во 12 гејм за 7-5 и 1-1 во сетови.

Во клучната битка Французинот го зададе првиот удар и му го одзема сервисот на Калин во вториот гејм, меѓутоа Ивановски се разбуди во вистинско време, влезе во ритам и до крајот одигра совршено за 6-4 и место во завршното квалификациско коло каде силите ќе ги одмери со Богдан Павел.

Романецот беше подобар од првиот носител од квалификациите Егор Герасимов од Русија.