Ивановски испушти победа против првиот носител во Монастир

Најдобриот македонски тенисер, Калин Ивановски не избори пласман во полуфиналето на ИТФ фјучерсот во Монастир кој се игра на тврда подлога за награден фонд од 15.000 американски долари.

Калин го имаше во раце првиот носител Робин Бертран (Франција) со оглед на тоа што во решавачкиот трет сет водеше со 5-2, меѓутоа потоа дојде до пад во играта на нашиот ас по што противникот се избори за тај-брејк кој убедливо го реши со 7-3 и обезбеди место меѓу четирите најдобри на турнирот во Тунис.

Инаку првиот сет го доби Робин со 6-4, а вториот со истиот резултат му припадна на Ивановски кој го имаше статусот на петти носител на овој фјучерс.