Ивановски го надигра шестиот носител и обезбеди полуфинале во Франција

Најдобриот македонски тенисер, Калин Ивановски избори место во полуфиналето на ИТФ фјучерсот што оваа седмица се игра во Поатје (Франција).

Калин во денешниот предизвик беше подобар од домашниот рекет Тристан Ламазин (шести носител) со 2-0 во сетови. Околу еден ипол час траеше борбата на централниот терен, борба која заврши со резултат 7-5 и 6-1. Македонецот освои 19 поени повеќе од Французинот (65-46), а имаше и фантастична реализација на брејк шансите, топките (четири од пет).

Сега пред Ивановски е уште една тенисер од Франција, вториот носител Саша Гејмар Вајенбург кој денеска блескаше и славеше со убедливи 6-0 и 6-1.

Ова е турнир што се игра на тврда подлога за награден фонд од 15.000 американски долари.