Иванишевиќ за Кирјос: Тој самиот си е најголем противник, ќе биде голема штета…

Легендарниот хрватски рекет, Горан Иванишевиќ смета дека е конечно време Ник Кирјос да се разбуди и го потврди својот квалитет, знаење на големата тениска сцена.

Кирјос важи за еден од најталентираните играчи и кога е посветен, ангажиран може да слави против секого, ама од друга страна постојано го пратат контроверзи и го привлекува вниманието на јавноста со своето однесува на и надвор од теренот.

-Секогаш Ник ми се допаѓал, тој во суштина е добро момче. Ама има некои проблеми, тој сам на себеси си е најголем противник. Знам како се чувствува, затоа што бев во слична ситуација. Тој се бори со стотици луѓе и понекогаш сака да докаже нештп што е невозможно да се докаже.

-Нема потреба да зборуваме за неговиот талент, затоа што сите знаеме дека тој го има. Може да победи на големи турнири, тој е во состојба секого да победи. Сигурен сум дека ќе жали еден ден ако не се промени. Ако тој не освои грен слем, тоа ќе биде многу штета за тенисот. Се надевам дека ќе се случи. На Кирјос му е потребен тенисот и на тенисот му е потребен Кирјос, -порача Иванишевиќ.