Поврзете се со нас

АТП

Иванишевиќ посочи кога би можел да се одржи Австралија Опен и откри дека Ѓоковиќ ќе настапи на мини турнир на Балканот

Објавено

на

Легендарниот поранешен тенисер, а сегашен тренер на Новак Ѓоковиќ, Горан Иванишевиќ даде свое видување за целата ситуација поврзана со тенисот во услови на коронавирусот.

Како и сите останати спортови, и тенисот претрпе огромни штети од коронавирусот, па сите натпреварувања кои беа закажани беа одложени.

Иванишевиќ не верува дека ќе има допадлив тенис во блиска иднина, а најави дека Австралија Опен би можел да се одржи кон месец март следната година.

– Тенисот е специфичен спорт каде имаш многу луѓе од разни краишта на светот кои мора да дојдат на едно место и да играат. Моја најоптимистична проценка е пролетта следната година. Тогаш ќе гледаме тенис каков што гледавме до ова лудило.

– Австралија, ако го имаме најдоброто сценарио, ќе се одржи без публика во некои многу строги услови и прашање е кој ќе може да патува, а кој не. Слушнав дека се размислува за поместување на Австралија Опен за март следната година, но тенис каков што следевме пред Ролан Гарос и Вимблдон следната година нема шанси да има, -изјави Иванишевиќ.

Потоа Хрватот потврди дека се размислува за одржување на еден вид „балканско“ дружење во кое Новак Ѓоковиќ и уште некои тенисери ќе одиграат натпревари ширум земјите од екс Југославија.

– Имаше некоја идеја да направиме регионални мини турнири во Србија, Хрватска, Слобенија и Босна. Тоа би бил сериозен тим играчи, така што се работи на ткаво нешто. Ќе видиме како ќе биде со границите, со патувањата и сите тие изолации. Се надевам дека во јуни или јули ќе профункционира, -изјави Иванишевиќ.

 

Реклама
Реклама
Реклама

Популарни