Итуралде анализираше три одлуки против Барселона и смета дека судијата направил една грешка

Натпреварот меѓу Рајо Валјекано и Барселона заврши со победа на гостите, но не помина без контроверзни моменти.

Судијата Сезар Сото Градо не е омилен кај фановите на Барса, а на дуелот со Рајо имаше неколку спорни моменти, во кои судијата пресуди во корист на противникот.

Првиот спорен момент беше ситуацијата во која Каталонците бараа пенал за стартот над Дани Олмо, но Итуралде вели дека судијата и ВАР собата биле во право што не реагирале, бидејќи Олмо тргнал во правец во кој не може да помине и тој е фудбалерот кој го изнудува контактот со противничкиот играч.

Потоа следуваше поништениот гол на Левандовски поради прекршок во напад на Кунде, за што Итуралде вели дека ВАР судиите постапиле правилно што го повикале главниот судија, а и тој што го поништил голот, бидејќи Французинот стапнал на ногата на противничкиот фудбалер на почетокот на акцијата за гол.

Третиот спорен момент е и според Итуралде, единствената грешка на Сото Гранде, а тоа е прекршoкот на Пате Сис над Педро. Поранешниот шпански судија смета дека ова било ситуација за директен црвен картон.

– Тоа беше старт со голем интензитет и високо подигната нога. Требаше да биде црвен картон и ВАР собата мораше да го предупреди судијата дека погрешил, – вели Итуралде.