Италијанките со доминантна игра до прво историско злато на ОИ

Селекцијата на Италија успеа да слави на одбојкарскиот турнир во женска конкуренција на Летните Олимписки Игри.

Низ целиот турнир во Франција, Италијанките играа фантастично, пеколно против секој противник, а таа нивна фотма, ритам го задржаа и во денешното финале во кое ја разбија репрезентацијата на САД со 3-0 во сетови.

Американките беа немоќни во сите сетови, првиот го завршија со 18, вториот со 20, а третиот со само 17 освоени поени.

Италија загуби само еден сет на патот до првата олимписка титула, злато и тоа од Доминиканската Република во првата средба од групната фаза.

Воедно тие станаа седма селекција со злато на оваа сцена по СССР (четири), Кина (три), Куба (три), Бразил (два), Јапонија (два) и Соединетите Американски Држави (еден).