Италијанката Паолини ја разочара цела Хрватска и испиша историја на Вимблдон (Фото)

Џасмин Паолини и Дона Векиќ одиграа еден од најдобрите мечеви во женска конкуренција на Вимблдон во последните неколку години, бидејќи за пласман во големото финале се одлучуваше во супер тајбрејкот.

Паолини е во сериозен налет во последните два месеци и го игра најдобриот тенис во својата кариера, па така после финалето на Ролан Гарос, сега ќе игра финале и во Ол Ингланд клубот откако излезе како победник во најдолгото женско полуфинале во историјата на Вимблдон (2 часа и 51 минута).

Хрватската тенисерка Векиќ влезе како фаворит во оваа пресметка поради тоа што важи за специјалист за тревна подлога, па иако тоа го покажа во првиот сет, во продолжение гледавме драма во која подобро се снајде Паолини.

По почетните 6:2 за Векиќ, Паолини одговори со 6:4 во вториот, додека апсолутно неизвесно беше во одлучувачкиот трети сет во кој во мечот се вклучи и публиката.

Големата неизвесност направи да гледаме драма до самиот крај, но Паолини успеа да ја реализира третата меч топка и со 10:8 во супер тајбрејкот се пласираше во финалето на Вимблдон.

Џасмин со овој триумф ја разчара цела хрватска јавност, а воедно испиша историја бидејќи ќе биде првата Италијанка која ќе заигра во едно големо финале на Вимблдон. Нејзина ривалка в сабота ќе биде подобрата од вториот дуел меѓу Рибакина и Крејчикова.

Jasmine Paolini, the first Italian woman to reach a #Wimbledon singles final 🇮🇹 pic.twitter.com/4N7zWOGEBs

— Wimbledon (@Wimbledon) July 11, 2024

That touch 🤌@JasminePaolini covered every blade of grass on Centre Court today#Wimbledon pic.twitter.com/b9exlqlBMA

— Wimbledon (@Wimbledon) July 11, 2024

An instant #Wimbledon classic.

Thank you @DonnaVekic and @JasminePaolini for entertaining us with your skill, passion and heart 💚 pic.twitter.com/JwaAv5p7Ym

— Wimbledon (@Wimbledon) July 11, 2024